اعلان اعلان الى جميع اعضاء المنتدى مسابقه شعريه ارجو الدخول

شباب وبنات منتدى تله الحلوين

تعلن منتديات تله عن اقامه مسابقه شعريه شعبيه

والمسابقه عباره عن شعر شعبي ابوذيه و دارمي من تاليفك انت او انتي نزولها هنا وراح يكون فيها لجنه تحكميه من قبل المشرفين وهم راح

يشوفون اي شعر او دارمي يكون الاحلى راح يكون فيها جائزة تقديريه من قبل المشرفه ngl cool والمشرف فراس الرومانسي واللجنة تكون مولفه

من اثنين هم جيمي وانجيلا وهم راح يقررون فا اي واحد عنده شعر شعبي او دارمي او ابوذيه من تاليفه خلي ينزلها ولايتردد بس اهم شي تكون من تاليفه

انتضر اشعاركم الجميله والموفقيه والنجاح لكل الشعراء المنتدى ومع مسابقه من سيكون شاعر التله وشاعر المليون

عاشت يدك خوني ستار على المسابقة الحلوة منك واكيد الك راح يشارك واني اول المشاركين واحب اهدي هذا الشعر

الى الشخص الي احبة واتمنا ان يعجبة ويعجبكم شعر على الحب

احبك..

يا من سرق قلبي مني
يا من غير لي حياتي
يا من احببته من كل قلبي
يا من قادني الى الخيال

......
حبيبي..

أهديتك قلبي وروحي
وبين ظلوعي اسكنتك
ورسمت معك احلامي
و وعــــــودي
.........
تواعدنا..

ان نبقى سوياً مدى الحياة
ان نجعل حبنا يفوق الخيال
ان نكتب قصة حبنا في كل مكان
ان نغسل قلوبنا من نهر العذاب
........
الفراق
من امام اعيننا الاحلام
ومن حبنا اوصلنا الحب الى الفراق
ومن نبضات انين اعتلت القرار
ومن قصة حبنا التي تجبر على الاحتظار

هكذا انتهينا
واصبح كل منا للآخر ذكرى عابرة
يغتالها الغياب

تحياتي لكم جميعا

نورت عاشق حبيبي الشعر كلش حلو عاشت ايدك حبيبي

حبيبي ستار اكدر اسجل ابوذيات هم هسة

عندي هم ابوذيات من قلبي اريد اهديهة الكم

ممكن جواب خوني

عادي مفتوحه المسابقه ولايهمك اكيد تكدر بدون ماتسال حبيبي

هاااي يا احلى اعضاء المنتدى

من مثلي دمع عيني يـــــهلهه
سبب غالب على روحي يـــــهلهه
وعلي تحيولكم ميت يـــــــــــهلهه
من تبدي ترد الروح الـــــــيه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيشه تصير اليه

ابنار الهجر يامهجه دموعاي
على مصابي السمه يمطر دموعاي
اشما هلن يمحبوبة دموعاي
حسناتج تبدل بالف سيه

وحك الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي الدار بيــــه

ان شاء الله راح تعجبكم الابوذيات
مع تحياتي وتــــقديري
احــ أســـــــير ـمد الزبيــــ الروووح ــدي

وشكرا للجميع

اتمنا ان تنال رضاكم

الله عليك عاشق عاشت ايدك وانا راح اجاوبك علي هذه الابوذيات وانتضر ردي

تسلم حبيبي عاشق كلش حلوه الابوذيات

عاشت الايادي على الموضوع الحلوووووووووو ستار تسلممممممممممم وعاشت الايادي على الاشعار الحلوووووووووووة عاشق دومك مبدع واني راح اشارك بشعر اتمنى ان يعجبكم
--------------------------------------------------------------------------------

ترخصلك الروح يا روحي
ويا بعد عمري ومخفف جروحي
صوتك سيمفونية تهز وجداني وتجنن
تموتني بحسرة ولهفة عشق وبالغزل تتفنن

نظرة عيونك جن صقر يصيب قلبي ويسرح
يتغازل بنظراته وبرموشة يصيد العشق ويلمح
يلمحلي بسهر ينتظر قمر وبشده يريده
اسهرلة وللصبح مااغفى وبقلبي ألف تنهيده
ومن ازعل الرضى لقلبي ولعقلي يصيده

ماادري شنو من بشر ياحبيبي حضرتك
ماتعرف الزعل تبتسم تعشق والكل جابوا سيرتك
تغازل تذوب حجر متحجر شنو هي طينتك
رقة وعذوبة وحنان روحك الأجمل بطيبتك
مدري ربي خلق بيك كل حسن الدنيا والجمال
متواضع بقلبك زيد على روحي عشق ودلال
غازل وحب واتغزل بصدق تتحقق الآمال
حبي انولد يوم عرفتك أنساك لا هذا محال

عصفوره أنا وبسما حبك أغرد وأطير
أخذني لقلبك لا تموتني بحسرة وتاليها أحير
نسيني قهر الدنيا لاتخلي قلبي مظلوم
دمعي على خدي واسي عمري المهموم

أهواك حبيبي مو بس احبك أنا
لاوالله أعشقك وعشقك إلي كل المنى
لا العشق حرام ولا الحب جريمة
أحبه ودمي مايسري بعروقي يجري بوريده
ياناس بالله اعشقه كلوله أحبه ولقلبي أريده

وووووووووااااااااااااااااااااوووووووووووووو

وردة حزينة عاشت يدج على الشعر الحلو منج يخبل

تحياتي لكم

هاي شنو ستار اشو اني وانجيلا حكام

يمعود انجيلا الحكي اشو احنا وكعنا بيها

عاشت ايدكم على الاشعار الحلوة بس مادام اني وانجيلا حكام فا جميع الاعضاء راح يفوزون

لان ماكو واحد احسن من واحد واشعاركم كلش حلوة

ولو نتمنى ان تكون فعلا من تأليفكم ههههههههههه

اول شي احييك ستار على هذا الموضوع

الحلو والمثير وعاشت ايدك على هاي الافكار الحلوه

واحنا يعني اني وجيمي انه انكون حكام بس اريد اعرف الجوائز

الي راح يقدموها رانيه وفراس شنو حتى المتسابقين

يتحمسون مو

ومثل ما كال شريكي بلتحكيم جيمي انه كل الاشعار

والابوذيات حلوه بسسسسسسسسسسسسسسسسسسسسسسسس

انريد من تاليفكم والشعر الكوبي امبين من الشعر الي

انت اتالفه

[

[/ r]
وعندي ملاحظه اصغير ما اعرف الحكام ويايا يوافقوني

هذا الرئي لا انه فرضا اكو شعرين الاول امسويه كوبي

يعني الشعر مو من تاليفه والثاني شعر امالفه من قلبه

ويبين اكيد اكيد اكيد الشعر المالف من القلب هو

الي راح يفوز حتى لو الشعر الاول احلى وهو اكيد راح يكون

احلى لانه ناقله من شاعر والثاني خطيه مو قوي بس حاول

لانه المسابقه تكول الشعر من تاليفك

وتحياتي لجميع واتمنالكم التوفيق واتمنى الفوز
للكل

Image Hosted by I></a><br/> ImageShack.us

والله صحيح كلامج انجيلا

بصراحة اني رائي اني راح اخذ الشعر الكوبي او الي مألفة العضو من صميم قلبة

لان هي مجرد مسابقة حلوة بين الاعضاء وشنو الفايدة اذا احنا جبنا شعر منقول

اهم شئ تكون نابعة من صميم القلب

وتحياتي للجميع

وصدك ستار شنو الجوائز الي راح ينطوها فراس وكول انجل

هههههههههههههههههههههههه

عاشت ايدك سيروان على الفكرة والمسابقة الحلوة

اني هم رائي وي جميس وانجيلا لازم يكون الشعر مؤلف وليس كابي

علمود نعرف من هو سيكون شاعر تلا

الجوائز ثمينة جدا وراح انعوفها مفاجئة اليكم ويدللون اعضاء تلا

شتكولين رانيا

تحياتي اليكم

مرحبا شباب وشابات المنتدى تحياتي الكم والى لجنة التحكيم
والى الراعيين في هذا الموضوع والى كاتب الموضوع

واني هم راح اشارك بابوذيات من تأليفي اتمنى تعجبكم

[size=18]
يلي بفراكك اتعب وانهار
وماافرق ليلي من نهار
اني عبرتلك بحور وانهار
وانت شارعين ماعبرت الية
وعليهم

جذاب الكال عنك مُرة شفتك
العسل بعد بشفافي من رشفتك
اني الي عشكتك من مرة شفتك
وانت سنين مامنتبه علية
وعليهم

ليالي مرت حاضن مخدة
بوستها حسبالي خدة
فزيت من نومي ماكو خدة
وصفا حتى النوم خيال الية
وعليهم

يلي جنت روحي وحبيبي وخِلي
شوف حبك ايدك على قلبي خلي
انت حلاي وملحي ومر خلي
بس المسيح شرب مرارة وانت تعيدها بية
وعليهم[/size]

واني هم اشارك جيمي وانجيلا الرائي انه اهم شئ تكون من تاليف العضو

تحياتي الكم وانتظروا القادم

عاشت ايدك اخونا ستار على المسابقة الحلوة

المقطع من تئليفي

بس بلعامية يعني شوي جفري او شروكي

عرسيتي وعرسيتي وما دريتي !

اوصار ابحبي ومادريتي !

وصاربي وهم مادريتي

ومزقتي حبي ال جبير مزقتي

مرة شفتج يم حسنية ومرة شفتج يم جميلة

ومن حصرة كلبي اني اعظ اجفافيي وانتي اتحمرايتي

وعرستي وعرستي

وشكرا لي كاتب الموضوع وهذة ابيات من تئليفي ارجو انم تنال رضاكم

طبعا اشكر الجميع المشاركين واكيد انا راح اشارك كلمات من عندي

اريد اكولن شعر والحجي يكون بكيفي
واريد اجوت بالحجي لان الكلام من تائليفي
اريد اشكي لربي تمطر الدنيا وانا لابس صيفي
واريد اكول الشريان كلبي حبيبي يا وسفه عليك وحيفي
واريد اصفه بدنيا يم المحبوب بس معاند وياي الحظ وصاير عريفي
واريد اكول لليكرهني تعال ايدي بيدك نحارب الشر وانت صير حليفي

شفتو ياحلوين هذا الكلام جان بكيفي ومن تاليفي تحياتي الكم جميعا
المتسابق ستار مرشح شاعر المليون

عاشت ايدكم على هاي الاشعار

ههههههههههههههههه

طبعا دانو ضحكتني ابشعرك هذا وعليهم

ساحر شعرك امبين من القلب ما بيه مجال

لو شك واحد بلميه مالتك ومال ستار واتمنى

ان اتكونون من الفايزين وتحياتي لكل

المتشاركين وعليهم

[عاشت ايدك ستار على المسابقة الحلوة..
اني هم احب اشارك بيت شعري اتمنى يعجبكم ..
انت بحياتي غلطه
انت ماضي انتهى
عيش حياتك لوحدك
عفت معك كل لحظه عشتها

روح الله حسيبك
عفت حبك يا غدار
حشى ماني حبيبك
ولالي بقلبك مكان

غدار تطعن قلوب من الظهر
يجيلك يوم تموت قهــــــر
افعال طيبي ما بين بعينك
راح ترجع بيوم ودكول
يا ريتني سمعت الكلام

انا من ضحى بحياته
ينام واسمك بشفاته
اخرهـا تخون المحبه
وتقول تحب غيري

تتكابر وانا من عطاك عمره
تشوف نفسك وغيرك يتمناني
خلاص ارحل ترى قلبي نفذ صبره..
ارحل ماعادلك بالقلب مكانه

تقبل مروري

وااااااااو ستار هاي شنو والله شعرك كلش حلو انت ودانو

تحياتي للجميع

ومارينا شعرج همين كلش حلو واتمنى الموفقية للجميع

ها انجيلا شتكولين نبدي المشاورات حتى نعرف المرشحين

تحياتي للجميع

وهاي همين لعيونكم احلى ابوذيات من تأليفي

يادنيا دكي على حظي وطبلي
على القهر الي اجالي وطبلي
لاميز لاكرسي لا طبلي
حتى الكنتور ماخلو الية
وعليهم

جيتلك طلبت منك جبس ليس
تكولي عوفني وروح يا ابليس
ايكسكيوزمي اوو نو بليس
تالي زمن تفر حلكك علية
وعليهم

احنا مشينالهم وهم مارادونا
مثل مرد الطماطة مارادونا
لك اني صرت هدف وانت مارادونا
ومنين ماتشوت تكول علية
وعليهم
وهاي احلى ابوذية لعيون انجيلا وجيمي وستار من تأليفي

ياناس ياعالم نزلوا الستار
دخلوا للمنتدى جيمي وانجيلا وستار
اويلي منهم بس الله الستار
ويشيلون الجبل ويشمروا علية
وعليييييييييييهم

وهاي احلى دارمي الى الاعضاء العزيزين على كلبي

حييوا رومانسي وسركون ومنار
اركان وابو لارا والبطل ستار

تحياتي الكم واتمنى تكون الابوذيات عجبتكم وانتظروا المزيد
مع تحيات شاعر المليون اني مو انت ستار هههههههههههه

وعلييييييييييييييهم انجيلا ههههههههههههه

ههههههههههههههههههه اول شئ دانو شكرا على اهدائك النا البيت الابوذي

شوفو ياجماعة دانو داينطي رشوة للحكام هههههههههههههه

والله دانو ابوذياتك كلش حلوة جديات والله

تحياتي الك ياوردة

احم حم احم

بدون تحيوز بليز ترى انسحب من المسابقة اني

لئن اخاف على كولتكم مال كبي وبيست مو مشكلة خلي اسوي هيج اني بس اني عندي المشاركة

تحياتي

حبيبي عاشق عيونها اكيد مراح يصير بالمسابقة تحييز ولا هيج شئ

لان احنا المن نحيز اذا كلكم اخوتنا وخواتنا يعني هم ماترهم نتحيز وكلكم عزاز على قلوبنا

تحياتي الك ياعاشق عيونها

بس هذا دانو دا ينطي رشوة كاتب ابوذية للحكام ههههههههههههههه

اي مو مشكلة اطيلة كارت اصفر واذا عادهة يصير احمر ميصير اني هم اشتريلك كارت للانترنت الك وحايزلي ههههههه

عاشت الايادي على المسابقة الحلوة

عاشق عيونها انت اذا تشتريلي كارت للانترنيت مو بس احيزلك حتى اخليك تفوز هههههههههههههه

تحياتي الك وللجميع

الله الله

عاشت ايدك . لك شنوانت دانو حبيبي ...

تخبل ...

تحياتي

هاااااااااااااااااي احبابي الحلوين اني هم حبيت اتشارك بهاي المسابقة الحلوة مثل صاحبها

(التقيت بحبك)

التقيت بحبك عندما كنتى تلقي انشودة الغرام وانتى واقفه
على خشبة مسرح العشق في شارع الهوى بمدينة الحب

(التقيت بحيك)

التقيت بحبك عندما كنتى في قاربك الصغير في بحر الهوى
حينما كنت اقف منتظر مجيئك في جزيرة العشاق تحت ظل
اشجار المغرمين

(التقيت بحبك)

التقيت بحبك عندما كنتى تحرقين اوراق الفراق على نار الشوق
عندما شعرت بحرارة نار شوقك فاتيت اليكى لاطفئها بعطر المحبة

(التقيت بحبك)

التقيت بحبك عندما شعرت بانفاسك العطره تلوح حول طلوع قلبي
عندما شعرت باسهم غرامك تخترق مجال حبى وتقيم فية مستعمرة
الحب الابدى

(التقيت بحبك)

التقيت بحبك عندما رايت نظرات عينك تنادى نظرات عينى وتدعوها
بان تقيم معها في دنيا الاحباب عندما شعرت بهمسات شفاتيكى تهمس
لقلبى بارقى كلمات الحنين

(التقيت بحبك)

التقيت بحبك عندما التقينا في احلمنا على انغام اغاني لوعةالحب عندما
تمايلت نبضات قلوبنا مع تملايلات اغصان الاشجار على نغمات الزفاف

اتمنى ان ينال رضاكم

تحياتي لكم
ميرنا البازي

عاشت ايدج حياتي ميرنا الشعر مالتج كلش حلو

واتمنالج الفوز حبيبي

عاشق عيونهة على بختك ومثل ما

كال شريكي جيمي انتوا كلكم نفس المعزه

بحيث احنا هسه من راح نختار صدك راح يصير

الاختيار صعب لان الاشعار وحده احلى من الوخ

ودانو عليهم بس ميفيدك الرشوه بس جيمي يخوف

لان من هسه دا يطلب من المتسابقين كارت مال نت خخخخخخخخخخخخخخ

فضحتنا اي على الاقل من جوا جوا مو كدام العالم خخخخخخخ

واتمنى التوفيق لجميع

احم احم احم احم ...

وانا اكوللل

انت شيكر انت دوشا

وكلماتك بلبي منقوشا
..
وبد خاتر . ديوخ ..

انا بد زمرن عموشا ؟... ( عمشا عمشا عموشا ياعموشا .. )

اكيد حلو الشعر مالتي اكيد .. هههههههههههههههههه

جيمس . راح اشتريك ..... ( كارت .. واير ليس + كورك+ اسيا),,,,,, بس اخوي لا تنساني ..

ههههههههههههههههههههههههههههههههههههههههههههه

تحياتي

هاي شنو يابة صار بيها كارتات

جيمي لو كايلي بيها كارت اني يمك شوكت متريد مو بس كارت كارتات ههههههههه

وبعدين انجيلا ترى جيمي لو يجي كارت مو بس يربحة بالمسابقة يسوي مشرف همين ههههههههههههه

وسركون الشعر مالتك كلش حلو انت وميرنا

واو روعة هاي الفكرة ولله

بس ايمتا النتائج ؟؟؟؟؟؟ هههههههههه حتى نشوف الهدية لان صارت حصرة خخخخخخخخخخخخخخخخخخ

تحياتي الك يا ورد ستار

حين تعانق الشمس السماء
معلنة الرحيل
وحين يحلق الطائر في السماء أيضاً
ويصفق بجناحيه معلناً الرحيل
حينها ينتابني خوفاً شديد
يخفق قلبي
وترتعش يداي
وتدمع عيني
فتتسابق الأيدي لمسح دموعي
وتتسابق الأجساد لضمي
هم أخوة لم تلدهم أمي
هم أصدقاء
عاهدوني على أن
لا فراق
لا رحيل
إلا أن الموت
كان أقوى منا

وأحلم بأن نلتقي..
تمرني غمامه..
وتضحك في قلبي الأمنيه..
أبعثر أوراقي وأحلم ويبعثرني شوقي إليك..
أحلم وماذا لدي غير أن أحلم؟؟
أرسم قلباً وحيداً وأمنيات تحلق فوقه ولا تحط,,
وقوافل طويله من الذكريات تجول في دمي وتنيخ مطاياها ببالي
تتابعني وجعاً بوجع..
أرسم فيباغتني اليأس..
وتباغتني الهموم تعانق طير ضلوعي الوحيد..
غيمة
من رماد الحزن
ومن الحب
ومن الألم
أرسم كثيراً...
ثم أغفو
وأحلم بأن سنلتقي.....
ولا نلتقــــــــــــــــي

في ليلة من ليالي الشتاء
جفاه النوم
شعر
بالإحباط
الملل
الخوف
أخذ ورقه
كتب
إيحاءاً
إبداعاً
مزق الورقه
بحث عن شيء يخفف عنه
لجأ إليه
قرأ كلاماً
ليس بكلام بشر
قرأ
وقرأ
ونام
بعد أن أيقن
أن الحل الوحيد
هو
القرآن الكريم

هناك من بعيد
خلف الكواليس
أناس فضلوا العمل بصمت
لا ترى إلا ظلهم
لا تسمع غير وقع أقدامهم
ولا تشتم إلا طيب ممشاهم
هم كالدرر المخبأة في أصدافها
بل هم أرقى منها
هم شموع أضاءت دروبنا
بل هم أرقى منها
هم وبكل اختصار
قلوب تنبض لنحيا نحن

مجرد كلمات
مداها بين اوراقي
ومدادها في قلمي
وقلبي مابين السطور

يؤلمني ان تموت احاسيسي
وتموت معها اغصان الورد

تحياتي الكم وتقبلو شعري البسيط

راح اكتب شعر الاخ تقبلون
هههههههههههه

ولقد ذكرتكِ والرماحُ نواهلٌ

وبيضُ الهندِ تقطرُ من دمي

فوددتُ تقبيلَ السيوفِ لأنها

لمعتْ كبارق ثغركِ المتبسم

أو قول الشاعر عمر بن أبي ربيعة:

تهيم إلى نعم فلا الشمل جامع

ولا الحبل موصول ولا القلب مقصر

ولا قرب نعم إن دنت لك نافع

فلا نأيها يبلي ولا أنتَ تصبر

كما يتفرد قيس بن الملوح في قصيدة من درر شعر الحب في التراث العربي، حين يقول في وصف حاله في حب ليلى:

أعدُّ الليالي ليلة بعد ليلـــــــــة

وقد عشتُ دهراً لا أعد اللياليا

وأخرج من بيت البيوت لعّلني

أحدثُ عنكِ النفس بالليلِ خاليا

وما بي إشراكٌ ولكن حبـــــها

وعظم الجوى أعيا الطبيب المداويا

فد شعر الاخ هههههههههههه

أيا من ليس لي منه مجير ***** بعفوك من عذابك استجير

أنا العبد المقر بكلّ ذنب ***** وأنت السيّد المولى الغفور

فإن عذّبتني فبسوء فعلي ***** وأن تغفر فأنت به جدير

أفر إليكم منك وأين إلاّ ***** إليك يفرّ منك المستجير

ههههههههههههههههه يابة شنو هاي السمعة المو زينة علية ياكارت صدك جذب هههههههههههههههههه

والله اشعاركم كلها حلوة مثل ماكالت شريكتي انجيلا

واني اذا علية راح اربح سركون لان هو دفع كارتات اكثر هههههههههههههههههههه

تحياتي الكم جميعا وانشاء الله الكل يفوزون

هااااااااااااااااااااااا هاي شنو جيمي لا تسوي صغل هههههههههههههههههههههه

اني هم اقدملك كارتات اسيا وكورك واير ليس وهرين اشتراكك ل نت اني ادفعها هههههههههههههههههههههه

مرحبا شباب وصبايا

اشكرك ستار على المواضيع الحلوة او اشعاركم وابوذيات كلش رائعةمن الاعضاء بس اذا تسمحولي محد ما ذكر هذا الموقع الجميل باشعارة تقبلوا هذا الشعر البسيط عن الموقع تحياتي الكم

مسيحي وموقعي تلاوي
--------------------------------------------------------------------------------

اريد اضحك يا ناس وين الكا الفرح دلوني

مو تعبت من الدموع وملت عيوني

رحت للاطبة وسالتهم وفد وصفه وصفولي

لا تروح للصيدليه روح للموقع وانت تفرح كالولي

كتلهم يا موقع يا ناس ارجوكم بسرعه دلوني

طبيبة كالت تذكر زين لو هم انت تكول انتو ناسيني

واريد اتذكر يا ناس وما اكدر لان زادت مشاغيلي

وكالت احزر احنا منين وانت تفهم الي ديدور بتفكيري

وكتلها اني مسيحي وافتخر وانتي التعرفيني

دليني الموقع وانتي بس تشوفيني

منتدة تلا وبس وهذا الموقع الي يهويني

علم ادب ودين ومواضيع كلش حلوه تسليني

مدمن اله اني وغارك بيه واي شي سميني

وعن غير مواقع لا تفتحين طاري ولا تكلميني

عالجتي الروح وعرفتي والله شلون تعالجيني

هاااااااااااااا يعني الشعر احنا نالفا ولله ما لاحضت هذا الشي اسفة ولله اني نقلت الشعر

اسفة ولله

عاشت ايدك يا اسد بابل الشعر كلش حلو

تحياتي الك واتمنالك الفوز

حبيبي اشتناثا هماني استغربت

من قريت اشعارج لان امبينه نقل هههههههههه

باعي حوب هذا الموضوع شعر من تاليفج انتي

كلمات من قلبج وهسه راوينا ابداعاتج

وانشاء الله اتفوزين حياتي

لاه لاه لاه لاه
هاي شنو اشصار,,,,,يا معودين,,,,اشمعنا اني و فراس نقدم الجوائز,,,لان باامريكا احنا هههههههههه
بس صدق الاعضاااااء بدعواااااا عاشت ايدكم اكيييييييييييييييييييد

عاشت ايدج اشتناثا جايبتلنا شعر مال كريم العراقي هههههههههههههههههه

هي لازم من تاليف العضو

وكول انجل هي هيي هيييييييي صباح الخير هاي وينج صدك جذب راح يطلع الفائز ومااعرف شنو وهسة تكولين اني شعلية

عل عموم هو فراس اتفق على انه الجائزة سفرة لامريكا على حساب فراس وكول انجل الاكل والشرب والفندق وتاجير السيارة هههههههههههههه

مو هيج انجيلا احنا بس نختار ومعلينا هما يتصافون ههههههههههههه

جيمس .... انجيلالا ....

رجاءا انهوا المسابقة . واعلنوا النتيجة . بانه انا فزت ...

ول جيمس . ول شكدت صرفت عليك ..... بكارتات . بس علمود هاي . المسابقة .... ول انهي المسابقة . حتى افوز ...

جيمس . كافي ...

لالا رجاءا انا فزت . فزت ..... لالا انجيلالا . هم كالت سركون يستحق لبفوز ...

ماكو لالالا .... ماكو انا . خلاص فزت ...

يلالا راح اكتب اخر شعر ...

انا ال بايسكل برخاشا ...

خزيلي جيمس . كو شارع بكناشا ..

طلبلي منف منشقتا ....
كربلي . وبشلي .. كنشتا خا ساعة بيدو كو باتي . بشياشا ...

الله الله الله .. بعرضي ماكو ... جيمس احكم خلاص . حبيبي . كول سركون ربح .... الله يخليك .. ههههههههه

تحياتي . للجميع ...

الله الله سركون شعر ماكو هيج بشرفي هاي منو علمة الك زيا حلاق ههههههههههههههههه

اوكي ياجماعة اول شئ عاشت ايدكم وجديات جديات اشعاركم كلش حلوة جانت وصدق يعني انتو موهوبين

وحتى اني وانجيلا محتارين منو الي يستحق الفوز لان كلكم تستحقون الفوز

وحتى ننطي فرصة اخيرة راح يكون يوم السبت اخر يوم حتى نستقبل اشعاركم وبعدها راح نعلن الفائز

ولو الفائز الاول والاخير هو المنتدى على كولة ابو لارا لان كدر يجمعنا سوة ويظهر مواهبنا

والله يوفقكم جميعا وتحياتي لكاتب الموضوع ولجنة التحكيم والمشرفين الي راح ينطون الجائزة الثمينة

تحياتي للجميع

لماذا يا دنيا حكمت علي بان اكون مع الهم صديقين

لماذا يا دنيا جعلت الحزن يرسم طريق حياتي(بلا حب بلا امل)

وجعلت الليل بكائي وجعلت النهار جنوني لماذا يادنيا فرقت بين

اهلي وموطني الحبيب وبين ذاتي واحبابي لماذا يادنيا جعلتيني

اعيش وحدي واعاني من لوعتي وحرماني والخوف يقتلني كما

نظرت امامي والايام تشدني للمستحيل وانا اموت في اليوم الف

مرة ولا استطيع التحمل لماذا يا دنيا نست الفرحة وانت تذكرين بها

يكفي يكفي

ارجوك يا دنيا لقد تعبت من السفر الطويل وحدي فهل من محطة اقف

فيها كي ارتاح من ترحالي قليلا اعلم انني لا استطيع الوقوف لكني احاول

نسيان الماضي كي اكمل حياتي من دونك الفرحة قصيرة لكن العمر اقصر

لكن احاول الصمود في وجة الزمن واضحك كي انسى مابي من جراح عميقة

واسكت وانظر في ايامي القاسية ماذا ستفعل بي بي اكثر من ذلك وانظر لحالي

وسقمي وانظر الى اقلامي واوراقي المجروة وانظر الى الموت كيف يفعل بي الوادع

يا دنيا مهما افعل انت اقوى مني في كل شي ولكني متاكد من انه بعد موتي لاتستطيعين

فعل اي شي بي وانة سياتي يوم وستموتين مثلي وستبقين لاشي مثلي تماما ؟

تحياتي

عاشت ايدج ميرنا

يلة شباب وبنات بقى بس اليوم حتى باجر نعلن الفائز وين اشعاركم

تحياتي للجميع

جيمي اذا ماكو احد راح اكمل اني هههههههههههههه؟؟؟؟

بركان احزاني يثور ليعلن احتراق

فؤادي ويبعثر قلبي كحمم متفحمة هالكه

يخط وسما على جبيني بناره الحارقه ووسما

للحزن مدينة وللياس عاصمة المددددددددينة

.
.
.
.
.
.

استرق واجمع ماتبقى من اوصال قلبي

واهرب الى عالم لايقطنه سوى الارواح

لتسكن روحي

وتهدا نفسي

وتنام مقلتي

.
.
.
.
.

هي الحياة ام نحن من ترك العبث يعبث بنا

من سمح للاحزان ان يسكننا ولا ادري ولكن

ربما هي مجرد صفحة تطوى دون عنوان

وتمزق ويبقى اثرها بذكرى الاحزاااااااان

.
.
.
.

بل هي جرح ساكن بالفؤاد

جرح يزيد مع الايام التهابه

.
.
.
.

فاي وجود يفرض العذاب فينا

واي عذاب يفرض الالم بالوجود

.
.
.
.

استباحوا القلب بالغدر

واشعلوا الطيبه بالبكاء

.
.
.
.

ادموا القلب بلا ذنب

وتركوه وحيدا يجراحة ستالم

.
.
.
.

كانوا اقرب الى الروح الذات

ورمز الوفاء والاخلااااااص

كانو شموعا تنير درررربي

فاحرقوا الروح بنور الزيف والخداع

تحياتي لكم

وهاي احلى ابوذيات عل تعزيلة اتمنى تعجبكم

هجرك يا بعد الروح اذاني
بصومي وصلاتي واذاني
اذا كبل عيني عشكت اذاني
وشم دكو بكلبي من الاذية

اترجاك لاتنساني بس عود
ما ظل بيا لحم بس عود
بتهوفن جنت صرت اعزف بس عود
ولك من تعود روحي ترد الية
وعليهم

مكتوب منك ماورد
زرعتلك بنص كلبي ورد
اني امشيلك عل جمر ورد
وانت بقساوتك متحن علية
وعليهم

ال ماكدر يصعد جبال ابتلة
ليش تصعد جبل اصعد تلة
سئلوني وين عايش كلت اب تلا
كالو ونعم منك يا صافي نية
وعليهم وهاي احلى ابوذية لعيون العراق

مابقى شاعر ما حجة وكال بي
وسفة عل عراق هيجي كالبي
عيوني وروحي وكلبي
لجل جروحك يا عراق هدية
وعليهم

شباب شابات اجا خبر عاجل من المدير

وهو انه الجائزه مقدما من المدير

وهناك ثلاثه جوائز الجائزه الاولى 500 نقطه

الجائزه الثانيه 300 نقطه الجائزه الثالثه

100 نقطه واليوم بليل راح تطلع النتائج

والله وياكم

عاااااجل عااااجل عااااجل

جاءنا توا مايلي لقد تم ظهور النتائج الاخيرة وبعد مشاورات طويلة بين لجنة الحكام

وكانت المنافسة شديدة وقوية بين جميع الاعضاء وحتى الحكام تقريبا حرنا من ياخذ المركز الاول

واخيرا بعد طول انتظار ظهرت النتائج وهي كما يلي :-

الفائز الاول :- العضو المبدع دانوووووو وحصل على 500 نقطة اضافية

الفائز الاثاني :- العضو المتالق عاااااااااااشق عيونها وحصل على 300 نقطة

الفائز الثالث :- العضو الراقي اسد بااااااااااااااااااابل وحصل على 100 نقطة اضافية

اشكر جميع من شارك ويانا من الاعضاء

والشكر الجزيل لمدير المنتدى المبدع على جوائزه القيمة

ونشكر كاتب الموضوع المتالق دوما ستار

ونشكر اعضاء لجنة التحكيم الفراشة المبدعة انجيلا والرومانسي الحلو صاحب الابتسامة الدائمة وكول انجل الرائعة في سماء المنتدى

واخير اشكركم جميعا والله يوفقكم يارب

تحياتي وامتناني الى جميع الاعضاء والمشرفين والمدراء الاعزء

شكرا على المسابقة الحلوة منك عاشت يديكم

وشكرا الى كل من ساهم بلموضوع من المدير والى المشرفين والاعضاء

تحياتي الكم