خروج الامريكان من العراق

صدك يا وطن باجر امان يصير باجر كلشي عندي وكلشي ما عندي
باجر ماكو عبوة وماكو محتلين ومن جف النواصب ينتقم خدي
باجر ياوطن خيرك يرد ردود وترد الدول من عندك تجدي
باجر ننسعد بس يمته باجر هذا؟؟؟؟ باجر يا وطن من تطلع الشمس !!!!
وافرض ما طلعت تبقه اعله هذا الحال ؟؟؟ وايدك فوك خدك والجفن يدمع
بيتك بس اسم موانت تحكم بيه وتخلي الغابه ضلمة وبابك امشرع
واهلك ناكتك والناصبي الخطار وتريد تصير حاتم بينه تتبرع




مو دولة العراق

مو دولة العراق وهسه اكلك ليش
كتلك بلد انته وما كلت دولة
نثاية الدول كلهة واعربلها اسماء
تظل بس انته زلمة بعالمك كله
كبل بس دولة عنك مارضينه انكول
هسه انكول دولة ودولة محتله
سلتك والعنب وزعتهه للجيران
وعيالك بقت متوسده القبله
وبسلتك ردت من فضلك ايردون
زرعوا بيهه عبؤه وردواالسله
اعلى من الشمس يا وطن سورك جان
واذا توصل حدودكم نصهه ما تعله
صرت حايط انصيص يا عراق شبيك
توكف علحدود وتشبخ النملة-





رجاء رجاء على الوطن لحد يسولف بعد ما افتهم شي بالسياسه
الوطن فوك الرمح متعلك اسنين بس ما نزل مره وجاره داسه
نزل راسه من ايدكم من تركتوا كبل فوك الرمح مرفوع راسه
كلمن ضم ركبته وراح وسنين ضلت تصب ركاب هاي ناسه
اجو بس روس المن شله بالروس يريد اركاب حتى يرفعه راسه
اريد بس اساس وكلنه نبنيه ماريد صرح اعوج اساسه
واريد اعله الرئاسه توسلوا بي ماريد اتوسل بالرئاسه

عاشت ايدك حبيبي ابو ادي

كلش حلوه هاي الكلمات

تسلم يا ورده تحياتي الك

برافو أبو أدي ونتمنى من كل قلبنا ان تتحقق امانيكم بالامان بعد خروج الامريكان
بس ديروا بالكم على نفسك الوضوع ممطمئن ماذا سوف يحصل بعد خروج الامريكان
تحياتي الك وللعائلة ولجميع الاصدقاء والاقارب العاملين باسواق الوردة ... تحياتي

مرسي الك اخيه ابو ادي

تحياتي الك

عاشت ايدك الموضوع كلش رائع