ابوذيات ............. تخبل

________________________________________
السلام عليكم
اليوم جبتلكم أبوذيات عراقيه حلوه
أريد رأيكم بيهن
* * *
*
*
* * *
قضية أسمك على أسمك ماشخطنه
أزدحام احنه على دربك وماشي خطنه
شتضن من كد حلاتك ما شخطنه
اليشوفك ينشخط ميه بالميه
* * *
يهل ناديت بأسمي هواي عيده
ويهل ماخذ دليلي وياك عيده
القلب حزنان موهاليوم عيده
عدنه عيد من نكعد سويه
* * *
أحبك من زغر سنك ويهلك
ليش اليحبك يتعب ويهلك
اغار عليك من تحجي وي اهلك
أذا وي الغريب شلون بيه
* * *
أمرض ويصعد مرضي على شفاي
وطب الهند ما يكدر على شفاي
حبيبي من تحط شفتك على شفاي
اطيب وما يضل اي مرض بيه
* * *
اسهامك بالقلب صابن ولاحن
وقلبك ما بجه على حالي ولاحن
وبسبب حبك صرت شاعر ولاحن
واحن للما يحن قلبه عليه
* * *
احبك حب ما ينوصف وصفه
وعليك القلب مثل الذهب وصفه
عليمن يكتب الدكتور وصفه
وعيونك والشفايف صيدليه
* * *
تناديني حبيبي يمك آنه
وقلبي اخذته رجعه لمكانه
تكلي وينك وك يمك آنه
اسأل الناس حبك شمسوي بيه
* * *
ألك صار القلب كله ويضل لك
وياويله اليبعدك عني ويضل لك
اغار عليك من تمشي وي ضلك
واغار عليك من روحك عليه
* * *
روحي وياك لا تكطع وصلها
ونفرح لو خبر منك وصلها
المحبه وياك معناها وصلها
تضل رغم البعد غالي عليه
* * *
يهل روحك على الطيبات تربه
وعلى دربك تضل العين تربه
يريت اكعد على مصلاك تريه
وابوسك من تحط كصتك عليه
* * *
حبك بالقلب ياصاح ضلضل
من تعبر علينه ايصير ضلضل
تريد اتروح لا لتروح ضلضل
لانك لو رحت شيصير بيه
* * *
اريد احلف ماارجع لبيتك ولاعود
جكاره مابقت عندي ولاعود
كمان المايسليني ولاعود
وجاي انت تضحك عليه
* * *
اصيح بصوت وانت وياي ردرد
احبك لاتروح بعيد ردرد
أذا اجتك رسالة شوق ردرد
لأن ردك يرد الروح اليه
* * *
ثوب الحزن بفراكك لبسنه
وثكيل الطبع طبعه لو لبسنه
ولك خدك ما وصلناله ولا..بسنه
تزعل ليش يمدلل عليه
* * *
نوبه حلوتت الليالي نوبه..مرات
وحبيبة الروح علي ما..مرات
مو مره الخنتيني ياحبيبه..مرات
تخونين وتصح بيه الاذيه
* * *
أداوي بجرح قلبي ولا طاب
وألف دكتور داواني ولا طاب
ابسناسل خيطو جرحي ولا طاب
داوي انت يهل مبعد عليه
* * *
احبك وعالعهد باقي بعدني
غصب تدري الوكت عنك بعدني
أذا انت بعت اني بعدني
حبيبي اترجاك لاتزعل عليه
* * *
ادك عليك يكول الطلب جاري
وعليك الدمع فوك الوجن جاري
ريتك يالعزيز تكون جاري
اشوفك كل صباح وكل مسيه
* * *
قلبي شتعتقد حبه هوايه
أذا انت النفس يعني هوايه
احبك حيل تدري كلش هوايه
بكثر حب الجرف لاطراف ميه
* * *
نشتم عطرك يغالي من هوانه
ونحب كلماً يحبنه ومن هوانه
اشتضن اكدر اعوفك منهوآنه
أذا عفتك مصيبه اتحل عليه
* * *
بعيد ولا جنح عندي وامركم
صرت خاضع لأمر الله وامركم
البعد ترى لابد يخلص وامركم
واعاتب كل محب مايسأل عليه
* * *
حياتي بعدك شلي بيهه
ورجلي من تعبها شلل بيهه
توديلي رسالة شلي بيهه
اريد اشوفك وهاي هيه
* * *
أريد اخبط مزيج الرمل والحر
وادور عن رفيق وفي وحر
نخيت الله وابو الحسنين والحر
يحفضك من كل شر واذيه
* * *
أنا الصياد صادتني شبكتك
ودخيل الله شكد حلوه شبكتك
أدك عليك مشغوله شبكتك
أظن مغلق جهازك بي عليه
* * *
غاب القمر من شافك ولاهل
ولغيرك مانزل دمعي ولاهل
مالي دار من بعدك ولااهل
احبك واحب كل لحظه سويه
* * *
بغيابك الدهر طشرني ولني
وعليك القلب عاتبني ولمني
فراكك حيل أذاني وألمني
ويضل حبك أثر مطبوع بيه
* * *
بعدني وياك بالعشره ولازال
وغلاك ثابت بقلبي ولازال
بعدني صادق بحجيي ولازال
وأظل وياك لأخر نفس بيه
* * *
وحك مصطفى الهادي ويحيى
وقلبي يموت في حبك ويحيى
لميس اتروحلك فدوه ويحيى
وأذبح تيم لعيونك هديه
* * *
*
*
* * *
انشاءالله تعجبكم
تقبلو مني كل الحب والتقدبر

قضية أسمك على أسمك ماشخطنه
أزدحام احنه على دربك وماشي خطنه
شتضن من كد حلاتك ما شخطنه
اليشوفك ينشخط ميه بالميه


3ashd aedk sage a7la abotheyat

taqbal mrore