حبيبي انتضرك واحسبلك ايام

حبيبي اتنطّرك واحسبلك ايام
يوم يجرله يوم ويقضي الاسبوع

واطشهن واهلية بأحلى دمعات
وارسملك صورهن وي الدموع

يم طيوف شخصك تغمض العين
واشوفك حلم بعيوني مطبوع

واشبكَ على احضانك واغفة وارتاح
واضم راسي على صدرك بين الظلوع

صواني العيد حبك والفرح ياس
واحلامي ابمحبتك تشعل شموع

اشم عطرك حبيبي وتشهق الروح
وأحسـك جذر بقليبي مزروع

ياموضوع احبك واشتهي القاك
شكثر شايل حنان وصرت موضوع

انه قلبي طفل مايعرف فراق
فـزّ وما لقـــَاك وصـاح مفـزوع

صدكَ ترجع حبيبي ويفرح البيت
واطش جكليت حبك بين الفروع

مته ترد تعـــال وبســـّك غيــاب
حبيبي بغيبتك جن قلبي مصدوع

شمعاتك تتاني وبلكن اتعود
افترسهن ليل هجرك خلصن دموع

بجن روحي ومهجتي وشمعك وياي
مثل بجيي اليتيم وقاتله الجوع

يابخت الينام وقلبه مرتاح
عمر خلصته انام ابقلب موجوع

لاتسألني يومك يخلص شلون؟
هيج يخلصن ايام الاسبوع

الله الله وردة حزينه كلش حلو الشعر عاشت ايدك

بس لو اطلب منك ان تسمعينا هذا الشعر بصوتك وتنزليها تكدرين ؟؟

عاشت ايدج وردة المبدعة..
الشعررررركلششش حلوو..
تحياااااااااااتي الج

عاشت ايدج حبيبي على الموضوع الروعه

تحياتي الج يامبدعه

شكرا على المرور يا احلى اعضاء نورتووووووووووووووووني بمروركم الرووووووعة مرسي الكم تحياتي تقديري وحبي الكم مرسي والصراحة استار اني ماعرف اسجل صوت ماعرف صدك بس بالنسبة اليا كلش احب الاشعار بس الالقاء ماعرف وهم ماعرف ا شلون يسجلون صوت شكرا الك وعلى متابعتك مواضيعي مرسي الك

عاشت يدج ملكة الخواطر

على الشعر والكلمات الحلوة منج يا احلى وردة حزينة شعر روعة وكلمات روعة

وهذا ليس جديد على ما تكتبي لنا من ابداعتج النة

عاشت يدج تحياتي الج

يسلمو يا مبدعة على شعر الحلو
تحياتي الج لبي

شكرا على المرور عاشق نورت موضوعي بردك الحلووووو الك وحشة

شكرا على المرور لبي كزن نورتي

عاشت ايدج يا مبدعة على الموضوع الروعه

تحياتي الج حبي

شكراعلى المرور لبي مريانا نورتي عززتي