بطولات ابو جاسم ايام زمان

25]شلون الشباب راح احجيلكم شوية على بطولاتي بالستينات بس مو جذب ها سمعو اول وحدة

مرة اني جنت كاعد بالبيت اشو اسمع باب البيتونة اندكت طلعت جان اشوف طيارة سمتية نازلة بسطحنة وجماعتي مافيات بايطاليا جاين عليه يابه استريحو شربو جاي كالو لا والله هسه شاربين فودكا يابه بيها الخير كولو شعدكم اني طبعا جنت شقي بوكتها اي

كالو الحكنة ابو جاسم جايين على الله ثم عليك كتلهم كولو خير كالو المافيات صارت بيناتهم طائفية على الكوكائين وناس تقتل بناس امشي ويانا الايطاليا شغلة نص ساعة وانرجعك بس حلنه هاي المشكلة كتلهم خوش بس ابدل واجي ..

كول شغل الطيارة رحنة وصلنة هناك لكيتها صايرة مثرمة بعدني منازل من الطيارة واحد صاح اجة ابو جاسم كلهم طفرو وفضة الشغلة كلت اني جاي وجاي خلي اتمشة بغابات ايطاليا شوية وارجع

اني ودا اتمشة بالغابة سمعت صوت جان يطلعلي ذيب وحية واني بالمسدس مالتي بس طلقة وحدة زين هاي اشلون شكتل الذيب لو الحية كلت ابو جاسم هاي متعصى عليك احزرو اشسويت مصدكون ....؟؟؟

خليت اصبعي جان اضرب الطلقة وجتي باصبعي انقسمت نصين نص راح على الحية ونص على الذيب واثنينهم انكتلو هاي اشلونكم بيها...
المهم مشيت جان يطلعلي اسد هاي اشلون لغوة شيفضها اليوم ماعندي لا طلقات ولا سجينة

كتله انته على ابو جاسم اليوم اني اعلمك هو كمز علية فاتح حلكة دياكلني جان امد ايدي بحلكة وافوتها جوة والزمة من ذيلة واسحبه جان اكلبه على الابطانة عاد سويته كوت اخذته ويايه عاد رجعت تكسي للبيت ما حبيت اكلف الجماعة تره ولا احجاية جذب ها

لحد ليجذب

ههههههههههههه الله على البطولات ابو فخري قصدي ابو جاسم كل فيل ولا الثاني بطولات صدك قويه

عاشت ايدك ورده حزينه تقيلي مروري

شكرا على المرور ستار نورت الموضوع شكرا الك امنور