tella4u
انت غير مسجل في المنتدى لمشاهده البوم الصور عليك التسجيل

tella4u


 
الرئيسيةالبوابةالتسجيلدخول
تم  تغير اسم المنتدى الى www.tella4u.com
المواضيع الأخيرة
» لماذا خلقناالله؟
الأحد يونيو 17, 2012 7:38 pm من طرف عيسى

» عندما تسأل حكيم عن رأيه فى البشر
الجمعة فبراير 18, 2011 9:02 am من طرف وردة حزينة

» بيانات مهمة عن التلانيين
الجمعة يناير 21, 2011 11:30 pm من طرف ثامر يلدا التلاني

» من زياد الى أمه فضيلة التلانية
الجمعة يناير 21, 2011 11:24 pm من طرف ثامر يلدا التلاني

» احدث صور لدالي وحسام الرسام بعد ما دار الزمن بيهم
السبت يناير 08, 2011 11:49 am من طرف lina

» وبعدها يخذلــــــــــــــــــــــــــك....
السبت يناير 08, 2011 11:20 am من طرف lina

» كلمات لها ألف معنى ومعنى
السبت يناير 08, 2011 11:17 am من طرف lina

» الالقاب التي يشتهر بها كل برج
الجمعة يناير 07, 2011 12:30 pm من طرف lina

» هَلْ تَعْرِفُ مَنْ نَحْن .. ؟
الإثنين سبتمبر 20, 2010 8:35 am من طرف رامز البازي

» صور هيفا 2010
الأحد سبتمبر 05, 2010 3:20 pm من طرف anjela

» اغنيه حبيبتي اهداء لمحبي كاظم
الإثنين أغسطس 09, 2010 2:54 am من طرف عاشق عيونهة

» حفل هيثم يوسف في ميشكن 4-4-2010
الإثنين أغسطس 09, 2010 2:50 am من طرف عاشق عيونهة

» صور هيثم يوسف في حفله اريزونا 20/3
الإثنين أغسطس 09, 2010 2:39 am من طرف عاشق عيونهة

» ريمكس هيثم يوسف وضياء الميالي(انسى)
الإثنين أغسطس 09, 2010 2:36 am من طرف عاشق عيونهة

» اليك 16 سبب لتعرف انك تحب (^) *
السبت يوليو 03, 2010 2:00 pm من طرف رامز البازي

» رئيـــــــــــــس جمهـــــــــــورية نفســـــــــك
الجمعة يونيو 25, 2010 12:01 pm من طرف رامز البازي

» تـِـِـِآإئهه بلآ عَنوآن . . !!
الأربعاء يونيو 23, 2010 6:24 am من طرف رامز البازي

» اليك 16 سبب لتعرف انك تحب (^) *
الأربعاء يونيو 23, 2010 6:21 am من طرف رامز البازي

» نصائح رومنسية للرجال
الأربعاء يونيو 23, 2010 3:11 am من طرف رامز البازي

» قبله على جبينك ياابي
الأربعاء يونيو 09, 2010 11:07 am من طرف %^تــلانيثا^%

» 21/3 عيد الام
الأربعاء يونيو 09, 2010 11:07 am من طرف %^تــلانيثا^%

» قلب مغلق للصيانه
الأربعاء يونيو 09, 2010 11:05 am من طرف %^تــلانيثا^%

» الحب نقطه عبور الحياة
الأربعاء يونيو 09, 2010 11:01 am من طرف %^تــلانيثا^%

» بكيتك
السبت يونيو 05, 2010 11:25 am من طرف NiNa

» من أحبــــــــــــــــــــــــــــك
السبت يونيو 05, 2010 11:21 am من طرف NiNa

» الف الف مبروك ستار
السبت مايو 22, 2010 2:52 pm من طرف merna_dbaz

» روائع ثامر القباني
الخميس مايو 13, 2010 6:22 am من طرف ثامر يلدا التلاني

» اخر اخبارالزعيم الرومانسي
الإثنين مايو 10, 2010 5:08 am من طرف ثامر يلدا التلاني

» دويتو ::ليــِِش للفنان هيثم يوسف مع الشاعر المبدع حامد الغرباوي
الأحد مايو 09, 2010 1:53 pm من طرف manarqueen

» احلى شعر عن مسيحيين العراق
الأحد مايو 02, 2010 4:11 am من طرف manarqueen


شاطر | 
 

 ترشيح عضو تحت الاضواء ارجو المشاركة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
star
مساعد مدير
مساعد مدير


عدد الرسائل : 708
العمر : 32
الموقع : tella4all.com
العمل/الترفيه : no
السٌّمعَة : 3
نقاط : 414
تاريخ التسجيل : 10/08/2008

مُساهمةموضوع: ترشيح عضو تحت الاضواء ارجو المشاركة   الخميس يونيو 04, 2009 12:48 pm

تذكير بمساهمة فاتح الموضوع :

نشكر الاخ ابو لارا الورد على الصراحة الجميلة والا اجوبة الحلوة الي كانت اكثر من رائعة لاكن اكو جماعة اعترضو عليها مو مشكلة اعتراضهم غير مقبول لان هذا ابو لارا الورد ونرجع انرشح اعضاء تحت الاضواء وهم 3 اعضاء بعد المشاورات مع المشرفين والمدراء قررنا نرشح كما يلي



1 rojena
2 sarkon
3 سندس اسحاق


ونستقبل ترشيحاتكم والمشاركة مطلوبة من كل اعضاء المنتدى

وبالعافية الي ياخذ اكثر تصويت


عدل سابقا من قبل star في الثلاثاء يونيو 09, 2009 6:36 am عدل 1 مرات
الرجوع الى أعلى الصفحة اذهب الى الأسفل

كاتب الموضوعرسالة
manarqueen
عضو كلش مبدع
عضو كلش مبدع
avatar

عدد الرسائل : 2168
العمر : 37
الموقع : http://tella4u.yoo7.com/profile.forum
السٌّمعَة : 2
نقاط : 2701
تاريخ التسجيل : 20/09/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 5:12 am

شكرا سركون عالاجوبه الصريحه

تحياتي الك
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 7:41 am

انا اشكرج .. منار .. وتدللين ..

سلاميييييييي


واشكرج منار لان الاسئلة جانت كلش سهلة....... ههههههههههه


ممنون منار عل الاسئلة السهلة...
الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 9:23 am

وانا بدوري احب اسال العزيز سركون فت كم اسئلة اتمنى ان تكون مرتاح برد بيها بما انا كنا مرشحين اثنيناتنا فاكيد راح يكون تفاهم بالاسئلة واكيد اسلئتي مو صعبة ههههههههههههههههههههههه مثلي سهلة لا تخاف 0 ماذا يعنون الك هذه الاشياء يا سركون اتمنى ان تكون اسئلي مو هواية صعبة عليك بالرد لان هذه الاشياء موجودة بحياتنا كلنا اكيد 0000 فكل واحد لو ما يشوف هذه الاشياء في حياة فاكيد راح اتكون غير شكل حياة والله يسهل على كل 0000 وتحياتي الك بالموفقية

1- الحياة
2- الامل
3- الامنية
4-الخسارة
5- الربح
6- الندم
7- التسامح
8- واخر سوال ما هو الحلم الي تحلم بي طول حياتك


روجينا

تمنياتي الك بالتوفيق والنجاح في حياتك
الرجوع الى أعلى الصفحة اذهب الى الأسفل
star
مساعد مدير
مساعد مدير


عدد الرسائل : 708
العمر : 32
الموقع : tella4all.com
العمل/الترفيه : no
السٌّمعَة : 3
نقاط : 414
تاريخ التسجيل : 10/08/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 11:40 am

حبيبي سركون شلون الصحه مشتاقلك هوايه
مبروك عليك كرسي الاعتراف راح اسالك كم سوال مو هوايه خلي نتعرف اكثر عليك لان انا تعرفت عليك باايام قليله
لاكن انت عزيز واكو واحد هو شريان كلبي وصرت وياه انت وصارو شرايين كلبي ماطول عليك خلي نبدي وياك بس بدون ترك ها ياالله ويا كلاص الجاي نسال اخونا سركون البازي

1 هل حبيت فتاة تلانيه ولم تقول لها
2 لو خيروك 1 السفر 2 الزواج 3 وظيفه براتب جيد
3 اكو فتره زينت صفر حسب ما سمعت الحبيبه فرضت عليك وتزين شعرك هل هذا الخبر صحيح
4 اريد منك ابوذيه بس بالسورث
5 انت كنت طالب بالمدرسه مع جيمي منو الاكثر الي غشش بالامتحانات انت لو جيمي هو الي غششك هوايه لو انت الي غششته ولاتكلي ماكو غش
6 من نجحت جبت زرنه وطبل
7 كلمة عتب المن تكولها
8 انت من مشجعي ارسنال وهو غائب عن القاب ليش ماتشجع غير فريق مثل فنربقشه ههههههه
9من خلال تواجدك بالمنتدى هل شعرت بيوم انه طائفي او منحاز وشنو عندك اقتراح كتغير
10 ماهو رصيدك من المال تقريبا وبصراحه
11شلونك بالطبخ واطيب اكله يمك شنو هي
12 ماذا يعنون لك هل اسامي وبصراحه 1بيشو 2 سرمد 3 نصير

تحياني الك واتمنئ ان تكون الائسله خفيفه عليك ياخزماني العزيز
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 5:08 pm

سلاميي للجميع ... وهسة راح اجاوب على اسئلة روجينا اولالا . وبعدين ارجع على ستار حبيبي كلبي..


ج1/ امتحان للانسان من قبل الله
ج2/ حياة الانسان... لان الحياة مبنية على الامل
ج3/ نجاح الانسان في حياته...
ج4/شي موجود في الحياة وعلى الانسان تقبله..
ج5/ شيء زائل ..
ج6/ الندم .. على الانسان ان لا يندم كثيرا في حياته. يجب على الانسان ان يتخذ القرار الصحيح دائما في حياته..
ج7/ المسامح كريمم .. وانا من صفاتي الكرم..
ج8/ ان اكمل دراستي ... وان االتقي بانسانة تفتهمني اوانا افتهمها ..

وانا ااشكرج جزيل الشكر .. روجينا الاسئلة . حيات جانت وتخبلللللللل


سلاميييي
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 5:36 pm

حبيبي ستار .. مشتاقينن ....


ها خزما بديت باسئلتك .. انات فد واحد .. الله يستر منككك..ههههه

ج1/ممممممممم .. لالالا لان تريد الصراحة ما وكعت بالحب. بس تعرف شلون الشاب من يشوف بنية حلوة ومحترمة . مرات يصير اعجاب .بس ان اكلك الصراحة مال حب لالا ...... لان انا بعدني صغير عل عشك .. هههههههههه
وثانيا اذا جنت حبيت بنية من تلالا . جنت اكول لاخوية جيمس .. ههه خزماااا


ج2/ اسافر..
ج3/ لالالا صدك سيروان هذا الخبر جذب .. صحيح زينت صفر بسس لالالا ابدا ما فرضت حبيبتي عليا الزيان صفرر...
ول سيروان .... مو انت تعرف انا منين عندي حبيبة .. هو انا مال حبيبة ... مو كتلك انا لحد الان ما حبيت.. و اصلا ما مجرب الحب .. الله كريم . هههه خزماااا
ج4/ ههههههههه .. تدللل . مو ابوذية بس على شكل شعر..

انت شيكر انت دوشا وكلماتك بلبي منقوشا .. وبد خاتر ديوخ سيروان انا بد زمرن عموشاا .. اتمنى عجبتكك

ج5/ صدك سيروان جيمس هو اصلا جان خبير بانكليزي وانا صفر ... جان يعلمني بانكليزي وانا جنت شاطر .. باحياء وادب وقواعد .. فيزيان انا وهو نص ونص .. رياضيات يعني ثنيناتنا .. بس كيمياء . انا وهو خشماا ... بس اذا تريد الصراحة من الي جان يغششنا على طولل .. اختي الاصغر مني بسنتين هي جانت تغششنا .. لان مو تعرفون انا وجيمس جان عدنا اقاما بصف السادس.. ههههههههه فغطيا اختي جانت تحن علينا ..ههه

ج6/لالا بس المدرس ركبني بسيارتة وكام يفررني بالشارع وانا اكيفف .. واهوس ..

ج7/ اكولها للي خانيي . واكوله هم الله كريم..

ج8/سيروان رجائا لالا تحجي على فريقي .... مو احسن من برشا وريال .. مو احنا حتى دمي انا صاير احمر من ورة لباس ارسنال الاحمر .. واتحادكم راح اشوفكم دمي اذا مو احمر . راح اخسرلكم اش ما تطلبون ..

ج9/لالا بالعكسس . انا كلش سعيد . بالمنتدى .. ولو مو يعجبني اصلا انا ما جنت ادخلل للمنتدى . وانشر اروع مواضيع اعتقد . بس انا عجبني حيللل . وثانيا حبيبي انا لو مو احب تلا . ما جنت اصادك شباب تلانيين . وانت تعرف هذا لاشي حبيبي ...و من اعز صديق . هو جيمس

.. بس سيروان هذا جيمس عذبني حيلللل .. اريد ازوجة وما يرضى .. هو وضياء نمنم .. هههههههه

ج10/ اي انت بس سمعت انا معين بدائرة بدالة .. كمت تسالني على رصيدي .. سيروان .. انا كلة وضيفتي عقد .. ورة شهر وراح يطردوني وعينك على رصيدي ..هههه

بصراحة سيروان .. 150 دولار ..... و 25 عشرين الف دينار عراقي ... فقط لا غير . واذا تريد تعرف مكان الفلوس .. اخليهم جوا راسي .. ها سيروان ارتاحيت .. ههههههه .. لان انا بس استلم راتب اكوم اديح بالراتب ..

ج11/ انا بالطبخ . اعرف اطبخ تشريب + برغل+تمن+ تشريب باجلة درجة اولى+ تمن احمر هههههه

اكلة المفضلة ..باجة..

ج12/ الله سيروان سالتني على الفترة اروع فترة كضيتها ويا هذولا الاشخاص واتمنى ان نلتقي .. ونام سوية مرة ثانية بيت واحد..


بشيشو خوني .. هه سيروان ....

نصير انسان محترم وهادء... سرمد .. مثقفف..

بس خطية هذولا الشباب دخلوا شيخان وصارت قيامة شيخان هذا اليوم . طلقات وممنوع التجوال .. ههه سيروان

تتذكرر







بس سيروان ما انسى اليوم الي عافتنا الكوستر من جنا بازخ.. ورجعنا مشي . هههه


هذا كمال يكول . وي وي باخليلن كلوي باخليلان كلوي ..

ههههه سيروان خزمااا .. وانا اصلا جان اول مرة بحياتي انا اطلع من البيت .. وابات بغير منطقة .. حبيبي مشتاقين للشباب حيل.. واتمنى نلتقي بيوم من الايام



واخيرا .... اوففففف .. تعبت ...


اشكرك على الاسئلة حبيبي وجانت طيبة .. واتمنى انا اكون قد جاوبت بكل الصراحة ... وانت تعرف ياحلى خزمااا

انا شلون جاوبت ..



سلاميي خزمااا



بس سيروان هذا من يجي دورة جيمس لكرسي الاعتراف اسئلة هذا السؤال شكد جنت تاخذ راتب وين جنت تشتغل.. هههههههههه


عدل سابقا من قبل sargon في الأربعاء يونيو 10, 2009 6:03 pm عدل 2 مرات
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 5:45 pm

حبيبي جيمس انت اخ عزين .. وانت تعلم بهذا الشي ..وراح اجاوبك على اسئلتك وتدللل يامدلل جيمي



1-شتعنيلك هاي الكلمات :-
الام.. حنان
الاب ... الاخلاق
الاخت.. شرف
الاخ.... عون.
الصديق.. اخ.
الزوجة. نصف القلب
الحب. اروع ما اعطاه الرب للانسان.

2-شنو هو جان اكثر درس تضوج من عندة بلمدرسة؟؟ هههههههه خوش سوال مو


ج/ الكيمياء.. اوفففففففففف جيمس الله يخليك لا تذكرني باستاذ محمد..



3-كيف تتمنى ان تكون شريكة حياتك ؟؟...


ج/ متعلمة .. ومثقفة . الى درجة .. وتحبنيييي حيلللللللل... وتحترمنيي... لان انا الي يحبنيي . اموت من اجل سعاتة

واريدها تكون من معجبة بالشربت . لان انا وهية نكضي طول وكتنا وعمرنا بس نشرب شربت..


4-اعظم لحظة عشتها بحياتك واسوا لحظة عشتها بحياتك؟؟

الله الله .. من استلمت النتيجة وانا ناجح .. اروع لحظة.. في حياتي . واكتملت اللحظة الحلوة . من عرفت بانه انت ايضا ناجح ..


5-من هو مثلك الاعلى بلحياة وليش؟؟


اخي الاكبر . الاكبر بالبيت..
وليش ................ لاني احبة حيلل واعزة . حيلل.. وجان انسان محترم .. وعند كلمة..



سلاميي . خونييييييييي . كو ايني اتي ...




جيمس انت تعرف شكد احبك ...

بكد ورق الشجر الي يسقط بفصل الخريف ... عاد انت احسبهاا . سلامي للاهل خوناا
الرجوع الى أعلى الصفحة اذهب الى الأسفل
jemy
مشر ف عام
مشر ف عام
avatar

عدد الرسائل : 1327
العمر : 30
السٌّمعَة : 19
نقاط : 1408
تاريخ التسجيل : 20/05/2009

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 5:56 pm

هههههههههههههههههه اوكي خوني والله سركون هاي الاسئلة كلها جنت اعرف جوابها بس شسوي لازم اسالك وبعدين هسة جاوب انت والله كريم من يجي دوري ولتدفع سيروان علية هاااا والله اعرف بيك شكد تحبني كتلك من عيونك اعرف واني احبك بكد حبات 10 طنون تمن وانت احسبها تحياتي

_________________
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الأربعاء يونيو 10, 2009 5:59 pm

ههههههههههههه .. ولل جيمي .. لحد الان كاعد روح نام يمعود شعنك ....


ههههههههه جيمي هذا سيروان بس عينة على رواتبنا شكد .. ما مانقهر . لان بحايتة ما صاير موظف.. ههههههههه




حبيبي جيمي ...

واووووووووووووووو .. انا اشكرك .


واشكر منار وستار ,, وروجينااا. على الاسئلة ... سلامي وقبلاتييي
الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 11, 2009 5:27 am

ثانكس على اجوبتك يا سركون نايس اجوبة والله اتمنى ان تتحقق كل احلامك وتتوفق في حياتك وتسامح كل ناس وتعيش احلى حياة والامل موجود اكيد وتسلم ايدك على الاجوبة مع تحياتي الك بالتوفقي يا سركون




روجينا





عدل سابقا من قبل rojena في الخميس يونيو 11, 2009 12:11 pm عدل 1 مرات
الرجوع الى أعلى الصفحة اذهب الى الأسفل
star
مساعد مدير
مساعد مدير


عدد الرسائل : 708
العمر : 32
الموقع : tella4all.com
العمل/الترفيه : no
السٌّمعَة : 3
نقاط : 414
تاريخ التسجيل : 10/08/2008

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 11, 2009 12:07 pm

حبيبي سركون تحياني الك

وذكرتني مال السياره من عافتنا وكال هوهو بخليلن كلوي ههههههههههههههههههههههههههههه شلون هبطنا

ولادير بال يجي يوم الكل واحد انت حظرله ائسله حلوه تكون

واني اخليه يوكع بيها وما يفلت

بسما كانوخ خزماني
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 11, 2009 12:43 pm

هههه حبيبي ستار ...


اشكركم على ثقتم بية ....


وانا ممنون منكم ..


وسلامي للجميععع .....

اي ستاررر تذكر مال سيارة عافتناا .. هههههههههههههههه

سلاميي .. وانا حاضر لاي اسئلة ترغبون بطرحها احبابي..
الرجوع الى أعلى الصفحة اذهب الى الأسفل
jemy
مشر ف عام
مشر ف عام
avatar

عدد الرسائل : 1327
العمر : 30
السٌّمعَة : 19
نقاط : 1408
تاريخ التسجيل : 20/05/2009

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 11, 2009 12:48 pm

هههههههههههههههه تستاهلون تعوفكم السيارة روحو لعبو طائرة روحو ولتفوتون للكنيسة بس سركون وستار منو كللكم نلعب اخير شوط وبعدين نروح ههههههههههههه اكيد مو اني جنت بس يوحنا من ركب ويا ابو السيارة كام يخاف وحضرة جناب ستار يريد نركزي مو خوني

_________________
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 11, 2009 12:58 pm

هههههههههههههههههه
....... جيمي كلها جانت من وراكك ............. انت من تشوف يلعبون طائرة تكوم ترجف ...



وستار مجلب بسايق السيارة الي اخذ يوحنا ..

عمو عمو . انطيني نركز .. ديلالا عمو انطيني نركز الله يخليك .....


وكلها من ورة ستار احنا هم ما ركبنا ابول سيارة فرجعنا مشي من ورى ستارر . لان جان يريد نركززززز



اخخخخخخخ خزمانييييييييي



سلاميييي
الرجوع الى أعلى الصفحة اذهب الى الأسفل
ابو-لارا
عصو فعال
عصو فعال
avatar

عدد الرسائل : 248
العمر : 40
السٌّمعَة : 2
نقاط : 261
تاريخ التسجيل : 23/01/2009

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 11, 2009 4:11 pm

شلونك سركون حبيبي ..... اسئلتي كلش خفيفة ومن حقك ان ما تجاوب اذا شفتها صعبة عليك .... اوكي

1- انت وين تشوف نفسك بموقع تلا ؟

2- هل تحب الحياة لسبب معين ؟

3- اذا كنت تائه في مكان ما ....... لمن تلجأ في البداية ؟

4- هل انت مكافح في الحياة ...... من اجل العائلة او من اجل نفسك ؟

5- ما هي وجهة نظرك بالمال ...... هل هي وسيلة ام غاية ؟


تحياتي الك وارجو ان تكون الاسئلة بسيطة الك وارجع واكول انت الك الحرية في الاجابة او لا

اخوك ابو لاررررررررررررررررررررررررررررررا
الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   الجمعة يونيو 12, 2009 5:07 am

ههههههههههههههههههههههه ابولارا صرت اخاف من اسئلتك من هسة اني يا ويلي منو يخلص من ايدك هههههههههههههه 0والله لو كعدت في كرسي اعتراف سهل علينا الطريق بالاجوبة ابولارا هههههههههه انا سمعت غير شي بس طلعت غير شي ههههههههه طلعت صعب مو سهل ههههههههههههه

تحياتي الك بس حن شوية ها بابا هههههههه لا تكون قاسي بالاسئلة
lol!


روجينا


راعية سلام مثل ما لقبتني Very Happy
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الجمعة يونيو 12, 2009 2:17 pm

سلامي حبيبي ابو لارا .. وتدلل راح اجاوبك . على اسئلتك وتدلل...


1- انت وين تشوف نفسك بموقع تلا ؟


انا اشوف نفسي بموقع تلالا... زين .. يعني مو انا الي اقرر موقعي في موقع تلالا . الاعضاء والادارة تقرر موقعي هل انا صالح في مشاركاتي في مواضيعي الي انشرها بموقع تلالا ... واتمنى انا اكون عند حسن ضن الجميع

2- هل تحب الحياة لسبب معين ؟

احب الحياة . نعم لان الله اعطاني هذه الحياة


3- اذا كنت تائه في مكان ما ....... لمن تلجأ في البداية ؟
الجأ الى ربي ومخلصي يسوع المسيح .. ماكو للانسان المؤمن غير مكان يلجأ اليه . غير يسوع المسيح

4- هل انت مكافح في الحياة ...... من اجل العائلة او من اجل نفسك ؟

نعم .. اكيد مكافح من اجل العائلة . ومن اجل من احب ... لايوجد حب اعظم من ان يبذل الانسان ذاته في سبيل من يحب .. .. فاذن يجب ان نضحي بانفسنا في سبيل من نحب . في سبيل قريبنا وصديقنا واهلنا

5- ما هي وجهة نظرك بالمال ...... هل هي وسيلة ام غاية ؟

اوووو ....... زوزي شختا اد ايداا ...... المال وسيلة.. حتى تقضي حاجتك وبس..


لان ماذا ينفع الانسان لو ربح العالم كله وخسر نفسه..





حبيبي ابو لارا اشكرك على الاسئلة , واتمنى اتمنى اتمنى ان اكون قد جاوبتك وتكون اجاباتي تعجبك او تكون مقنعة ... او عند حسنكم ..


وارجع واكول حبيبي ابو لارا انا اشكرك .... حبيبي تاج راسي


سلامي للجميعع..
الرجوع الى أعلى الصفحة اذهب الى الأسفل
ابو-لارا
عصو فعال
عصو فعال
avatar

عدد الرسائل : 248
العمر : 40
السٌّمعَة : 2
نقاط : 261
تاريخ التسجيل : 23/01/2009

مُساهمةموضوع: رد: ترشيح عضو تحت الاضواء ارجو المشاركة   الجمعة يونيو 12, 2009 5:02 pm

عزيزي الغالي سركون :

اني جربتك بالاسئلة حتى اعرف منو هو سركون

واكيد عرفت اروع شي بيك انك انسان بمعنى الكلمة ... والنعم منك والله



واشكرك على الاجوبة يا عزيزي واذا اتريد تعرف منو ابو لارا تكدر تسأل .... جيمي لانه ابن عمي


واخيرا ..... سالم راسك دائما يا ذواق بالمعاني الحلوة وكنت صادق جدا في اجاباتك

............... تحيات واشواق اخوك ابو لارررررررررررررررررررا
الرجوع الى أعلى الصفحة اذهب الى الأسفل
ابو-لارا
عصو فعال
عصو فعال
avatar

عدد الرسائل : 248
العمر : 40
السٌّمعَة : 2
نقاط : 261
تاريخ التسجيل : 23/01/2009

مُساهمةموضوع: رد: ترشيح عضو تحت الاضواء ارجو المشاركة   الجمعة يونيو 12, 2009 5:11 pm

الى العزيزة روجينا

اشو خايفة من ابو لارا ...ههههههههه وشنو الي سمعتيه عني ترى اني مو بهاي الصورة الي بالج هههههههه

وانطيج وعد اذا كعدي على كرسي الاعتراف ...... ما راح اشئل غير تلث (3) اسئلة بس ..... اوكي اتفقنا مو

وعلى فكرة اني كلي حنية ...... اسئلي علية الجماعة هههههههههههههههههه


تحياتي الج دائما ويصلج سلامي من عند .........؟ ابو لاررررررررررررا



مع السلامة يا ............................ راعية السلام
الرجوع الى أعلى الصفحة اذهب الى الأسفل
رومانسي
مساعد مدير
مساعد مدير


عدد الرسائل : 1695
العمر : 47
السٌّمعَة : 10
نقاط : 2168
تاريخ التسجيل : 22/10/2008

مُساهمةموضوع: رد: ترشيح عضو تحت الاضواء ارجو المشاركة   الجمعة يونيو 12, 2009 8:47 pm

قبل كلشي اكول لاخوية العزيز سركون مبروك كرسي الاعتراف

وراح اسئلك فت حمسمية الف سؤال ان شالله تكون خفيفة

هههههههههههههه

واذا ما تحب اتجاوب على اي سؤال لاتجاوب

1\ هل تسطيع المرأءة وقصدي (( الحبيبة )) ان تغير وتقلب حياة سركون بدرجة 180 درجة حتي وان كانت خاطئة

في قراراتها ؟؟

2\ حسب معلوماتي انك تعيش في الشخان وتعيش قصة عاطفية هل تعبر العاطفة تقودك الى الحب وبعدها

الى قفص الزواج اوانها مجرد نزوة ؟؟


3\احنا دائما نسمع بان الشاب يغازل الفتاة انت شتكول اذا حدث العكس يعني

الفتاة هي الي تغازل الشاب


4\منو أتحب أتشوف من الاعضاء وجهة لوجة ما عدا جمي وسيروان


5\ انت من الشمال هل تحب ان تكون شريكة حياتك مستقبلا الفتاة الفللكرورية يعني طبعها من الشمال وتقاليد الشمال

او الفتاة العصرية الي تمشي على المودة


6\ هل تبكي على أنسان جرحك يوم من الايام


7\\سيروان وجمي لقبوك ب تنني او شيئ مشابه بهذا الاسم شنو معناه


8\ انت شستفادت من موقع تلا وبصراحة


9\\ مرات ايام بحياتك افراح وانشالله ايامك كلها افراح

سؤالي لاسمحالله اذا كنت حزين لسبب ما شلون تتعامل وي حزنك ؟؟


10\\ ماهي الصفة الي تطلق عليك غالبا

11\ اذا اعطاك الزمن يوم ترجع بيه الى الوراء واقصد يوم قظيتة وي الاصدقاء او الاهل او الحبيبة والى الخ


12\ وين اتشوف نفسك حاليا

13\\كلمة أتحب أتكولها لشخص بلمنتدى اذا كان شاب او شابة واللك حق تختار شخصين

14\اخر سؤال بس السؤال مضحك انت شتكول الدجاجة من البيضة لو البيضة من الدجاجة

ههههههههههههههههههههههههههههههههههههههههه

شكرأ اللك سكون وارجو ان تكون الاسئلة خفيفة عليك وشكرا على الاجوبة مقدمأ

الرومانسي

Image Hosted by ImageShack.us
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   السبت يونيو 13, 2009 3:55 am

حبيبي ا بو لارا انا اشكرك على الاسئلة الحلوة ...

اخي انت مبين بانه قلبك طيب ......

.. اكو مثل يكول فرخ البط عوام.. هههه

فانت ابن عم جيمس .. فاكيد جيمس طالع على ابن عمة قلبة طيب وفي .... سلامي
حبيبي ابو لارا


سلامي للجميعع
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   السبت يونيو 13, 2009 4:32 am

هاي حبيبي الرومانسي.. اتمنى تكون بخير ... واتمنى ان اجاوبك بكل صراحه .. وتدلل


1\ هل تسطيع المرأءة وقصدي (( الحبيبة )) ان تغير وتقلب حياة سركون بدرجة 180 درجة حتي وان كانت خاطئة

في قراراتها ؟؟

لالالا .. مستحلل المرأة تاثر بقراري .. يعني مو قصة اهمل المراة في ان اسألها عن بعض الامور . بس مال هي تغير قراري .. وتكون خاطئة مستحيللللللللللل. بس اذا كان قرارها صائب وصحيح .. لا بالطبع راح تغيرني ..


حسب معلوماتي انك تعيش في الشخان وتعيش قصة عاطفية هل تعبر العاطفة تقودك الى الحب وبعدها

الى قفص الزواج اوانها مجرد نزوة؟؟



حبيبي فروسي . انا دائما في حالة حب وعاطفة ... تعرف ليش انا دائما في حالة حب . لان الله محبة ...

فانا دائما اكون قريب من الصديق او الحبيبي او القريب.

و ماكو انسان ما يعيش الحب لان الحب شي من عند الرب ...

بس مو العاطفة هي الي تقودني الى الحب .. العقل والقلب عندما يتحدان معا هما الي يقوداني الى الحب .

لان عندما الانسان يحب لازم يحب بعقلة وكلبة .



3\احنا دائما نسمع بان الشاب يغازل الفتاة انت شتكول اذا حدث العكس يعني

الفتاة هي الي تغازل الشاب؟؟

او شوف انا اكره الفتاة الي تكون تغازل الشاب . تعرف ليش لان انا تعجبني الفتاة او البنت الي عدها شخصية .. واووو اموت على شخصية بنت تكون قوية ... واخلاقها عالية .. لان شخصية البنت اروع شي ..

بس اكو فرق من البنت تغازل الشاب . وفرق من بنت تبادل النظرات مع الشاب .. اي يعني

يعني اكو بنات تحارش بالشباب . اوكو شباب هما يتحارشون بالبنات ... عادة سيئة

بس اكو حالات الشاب والبنت . يتبادلون الابتسامات معا او النظرات معا .. هذا الشي يؤدي الى الحب اذا كان الاثنان صادقين في حبهم معا .. لان الحب في بعض الاحيان يبدا بامتسامة . او يبدا بنظرة .



4\منو أتحب أتشوف من الاعضاء وجهة لوجة ما عدا جمي وسيروان؟

اوووووووو ... كل الاعضاء ... لان انا بطبيعتي اجتماعي . واحب التعارف .. . مو اي تعارف لا تاخذوها نظرة علية ..هههه .... انا احب الصداقة . لان الصداقة تعنيلي شي كثير ..

5\ انت من الشمال هل تحب ان تكون شريكة حياتك مستقبلا الفتاة الفللكرورية يعني طبعها من الشمال وتقاليد الشمال

او الفتاة العصرية الي تمشي على المودة ؟؟


اممممممممم .. روانسي السؤال هذا ينرادلالا شوي تفكير .. ههههه

لالالا . ماكو فرق بين الفلكلورية . و العصرية ... بس العصرية اذا تمشي عل مودة .. لا صدك ... ما اريد انسان يعيش معي .. عل مزاج او عل مودة .. حبيبي .. انا اريد انسان يحبني ويعزني ويحترمني . واهم شيييي ي


يكون صادق معي و وفي يكون . اهم شي بالحياة .




6\ هل تبكي على أنسان جرحك يوم من الايام؟

لا ما ابكي ابد وليش ابكي .. لان جرحني..هههه.. لان لو يعزني ما جان يجرحني ..
فلا لالا عادي . بس تكدر تكول تنقهر .. اي نعم انقر . بس مال ابجي .. لالا ما ابجي.



7\\سيروان وجمي لقبوك ب تنني او شيئ مشابه بهذا الاسم شنو معناه؟

هذا الاسم سموه علينا انا وجيمس .. تينكي .. وينكي . لان جان اكو فلم كارتون . وبالفلم جان اكو ابطال كارتون . اسمهم تينكي وينكي.. فانا وجيمس على طول سوية . بشيخان . بدهوك .. بتلالا . من نلعب طوبة .. بالشارع على طول سوية ..
فاصدقائنا صدفة شافونا انا وجيمس مزينين شعرنا صفر . وجنا بالقوش عدنا لعبة . فسمونا تينكي .. وينكي .. انا وينكي .. وجيمس تينكي ..



8\ انت شستفادت من موقع تلا وبصراحة؟

تعرف على ناس جدد .. وناس غير ثاقفة . ثقافتهم تختلف عن ثقافتي وهذا الشي كلش زين ..
وحصلت ايضا على معلومات .. واووو تخبل ..

9\\ مرات ايام بحياتك افراح وانشالله ايامك كلها افراح

سؤالي لاسمحالله اذا كنت حزين لسبب ما شلون تتعامل وي حزنك ؟؟


وووووووو ... رومانسي .. كول يا الله بس لا اشوف سركون حزين .. وووو . لان اتبدل اكون ضايج .. وراح تشوفني بس ساكت بدون حجي . بدون مجاملة . لان انا من النوع هوو احب المجاملة . واحب اتشاقى ...
بس شلون تريد تعاملني ... من اكون ضايج ... او حزين ... احجي وياي وخليني اطلع الي بكلبي يلالا ارتاح . بس المشكلة ما اطلع الي بكلبي الا لانسان مقرب ...
بسس لالا حبيبي رومانسي . قليل ما تشوف سركون حزين .. انشاء الله ..


10\\ ماهي الصفة الي تطلق عليك غالبا...؟


صفة صفة ... ذكي .. واكو صفة ثانية .. مسؤولية .


11\ اذا اعطاك الزمن يوم ترجع بيه الى الوراء واقصد يوم قظيتة وي الاصدقاء او الاهل او الحبيبة والى الخ
؟؟

هووو ههههه . ارجع لايام الطفولة .. ههههههههه ويا اصدقائي من جنا ندك على ابواب العالم باليل ونركض .. ههههههه . والعالم تطلع باليل ... جت فترة بس جنت اطب بفرع او محلة .. جانت المحلة تدخل بحالة استنفار ..

لان العقل المدبر جنت لاصائقي .. لان انا جنت اطلع افكار ..

يعني فراس احجيك فكرة .. مالتي من جنت صغير.. مرة شديد باب اح العالم . بواير بحيث من ندك على بابة ما يكدر
يفتح الباب .. فشديته . بواير وكمنا نضرب على بابة . وهوه اتخبل . وما يكدر يفتح الباب .. الجوارين اجو فتحوا الباب . اله.. هههههههه اروع ايامي جانت


12\ وين اتشوف نفسك حاليا؟

في حالة البحث . والبحث والبحث .. عن الهدف . لان انا لحد الان ما محقق هدفي .. او اهدافي.


13\\كلمة أتحب أتكولها لشخص بلمنتدى اذا كان شاب او شابة واللك حق تختار شخصين؟

اممممم ... ستار . بس اكلة مشتاق حيللللللللل

وجيمي .. اروع انسان تعرفت عليه . بحياتي.



14\اخر سؤال بس السؤال مضحك انت شتكول الدجاجة من البيضة لو البيضة من الدجاجة؟

رومانسي ما راح اجاوبك على سؤالك ؟ تعرف ليش هم انا اسئلك سؤال اذا جاوبت بصراحة .. راح بعدين اجاوبك .. اوكي

ياهو اكبر بغداد .. لو النمر اسرع .. يلالا انا انتظر الاجابة .. ههههههه



وسلامي حبيبي رومنسي واتمنى ان تكون اجاباتي موفقة . واتمنى ان من الاعضاء عرفوا منو سركون من خلالا اجاباتي ..


سلامي للجميع
الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   السبت يونيو 13, 2009 5:52 am

هههههههههههههههههه اكيد ابو لارا كلك حنية والله ما مقصود شي بس حبيت اتشاقة وياك 00000 واكيد الي سامعتة من جماعة اكيد كل خير مو اكثر والله 000000000000 لا انت محبوب جماهير صرت ابو لارا ما اكدر احجي بعد هههههههههههه لا اكيد ما خايفة بس حبيت شوية اعلق عليك مو اكثر انشاءالله دومك تبقى هيجي ويا رب تبقى دوم فرحان وسعيد 0
اما بالنسبة لتحيات اخاف ديبوكها بالطريق مدا توصل هواية هههههههههههههههههههههههه تحياتي الك والى جماعة والى كل اعضاء التلا

والله ما سامعة الا كل خير عنك ابو لارا

واني بدوري اللقبك محبوب جماهير ههههههه



روجينا
[img][/img]
الرجوع الى أعلى الصفحة اذهب الى الأسفل
star
مساعد مدير
مساعد مدير


عدد الرسائل : 708
العمر : 32
الموقع : tella4all.com
العمل/الترفيه : no
السٌّمعَة : 3
نقاط : 414
تاريخ التسجيل : 10/08/2008

مُساهمةموضوع: رد: ترشيح عضو تحت الاضواء ارجو المشاركة   السبت يونيو 13, 2009 7:19 am

راعيه السلام روجينا سلامي وتحياتي الك شلون الصحه انشاء الله مرتاحه طبعا مرتاحه لان وكع بيها سركون وانتي فلتي منها مو مشكله يجيلج دور ادري تره شكد ماتخلين القاب على ابولارا مراح تخلص لان كل القاب موجوده بشخصية ابولارا

تحياتي الك ولاتخافين من ائسله ابو لارا لانه كلماته عسل وقلبه كبير وسلامي للجماعه الطيبين
الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   السبت يونيو 13, 2009 7:38 am

ههههههههه ستار اولا كيف الحال اتمنة ان تكون بخير وردة 0000 والله مو قضية مرتاحة وكع بيها سركون بس جنت محتاجة اشوف شلون الاسئلة ونوعية اسئلة وتعرفي اكثر للاعضاء التلا لان بصراحة ما كنت اعرف الكل
اما بالنسبة لابو لارا هههههههه فهذا اللقلب الي لقبتو يستاهلا وانتو كلكم ماشاءالله عليكم تستاهلون احلى القاب
ههههههههه والله ستار ابولار سامعة عنو شوية فعلا قلبو طيب ههههههههههههه بس داخاف من اسئلتا ديكول 3 اسئلة راح اسال يمكن مقابل 30 يكون هههههههههههههههههههه
طبعا بس للشقة
لا اكيد تسالو اى واحد اى اسئلة هو يريدها وبلا تردد
بس شوية شوية علية


تحياتي الك يا ستار وتحياتي الى محبوب جماهير والى كل اعضاء التلا الحلوين


روجينا

الرجوع الى أعلى الصفحة اذهب الى الأسفل
رومانسي
مساعد مدير
مساعد مدير


عدد الرسائل : 1695
العمر : 47
السٌّمعَة : 10
نقاط : 2168
تاريخ التسجيل : 22/10/2008

مُساهمةموضوع: رد: ترشيح عضو تحت الاضواء ارجو المشاركة   الأحد يونيو 14, 2009 2:20 am

شكرأ سركون على صراحتك الحلوة

وعلى اجوبتك

بس سؤاللك طلع اصعب من سؤالي


ههههههههههههههههههههه

_________________
رومانسي

Image Hosted by ImageShack.us



Image Hosted by ImageShack.us
الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الإثنين يونيو 15, 2009 4:27 am

.. سلامي للجميع اوتمنى ان اكون قد جاوبت على الاسئلة . بكل صراحة ؟....


واعتقد هسى عرفتوا منو سركون .. وين يعيش .. .. وتدللون منتدى تلالا

وسلامي للجميع ...
الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   الإثنين يونيو 15, 2009 5:30 am

هههههههههههههههههه انيالك سركون خلصت من هاى المحنة هههههههههههه يوم الي يوكع بيها يخلص مثلك بسهولة ههههههههههههههه 000000تسلم ايدك سركون على ردك على كل اسئلة وانشاءالله تتوفق في حياتك وتتحقق كل احلامك يا رب واحلام جميع 00000 تحياتي الك سركون



روجينا

الرجوع الى أعلى الصفحة اذهب الى الأسفل
ابو-لارا
عصو فعال
عصو فعال
avatar

عدد الرسائل : 248
العمر : 40
السٌّمعَة : 2
نقاط : 261
تاريخ التسجيل : 23/01/2009

مُساهمةموضوع: رد: ترشيح عضو تحت الاضواء ارجو المشاركة   الإثنين يونيو 15, 2009 11:29 am

شكرا الك يا سركون على الصراحة الي كنت بيهة في اجوبتك

وتحياتي الك دائما



وانتي يا راعية السلام ...... روجينا ... ليش خايفة من الاسئلة من هسه ..... هههههههههههههههه
ترى اني موجود ومستعد ان اجاوب بمكانج اذا تريدين ...... وهاذا اقل شي اقدمة الج لانج وصفتني
احلى وصف بالدنيا ...... محبوب الجماهير ..... واني اشكرج جدا جدا جدا وامنيتي بالحياة هي
..... ان اكون محبوب عند الناس ومرغوب بيه دائما وان احب كل الناس ايضا وما اخلي احد يزعل علي
والف تحية الج يا فعلا راعية السلام

سلامي وتحياتي ....... ابو لارررررررررررررررررررررررررا

الرجوع الى أعلى الصفحة اذهب الى الأسفل
rojena
عصو فعال
عصو فعال


عدد الرسائل : 178
العمر : 36
السٌّمعَة : 0
نقاط : 184
تاريخ التسجيل : 19/04/2009

مُساهمةموضوع: رد: ترشيح عضو تحت الاضواء ارجو المشاركة   الإثنين يونيو 15, 2009 11:42 am

ههههههههههههههه محبوب جماهير هسة ارتاحيت ههههههههه لانك كلت راح اساعدج بالاجوبة اشكرك يا محبوب جماهير 0000 هههههههههههه ما طول هاى كم واحد ديساعدني لعد لا تسالوني مو احسن هههههههههههههههههههههههههههههههههههههههه

للشقة فقط لا اكيد تسالون براحتكم بس مو هو اية ههههههههههههههههه

تحياتي الك مجبوب جماهير



روجينا

الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الثلاثاء يونيو 16, 2009 8:29 am

هههه . روجينا انا اشكرج جزيل الشكر ... وناشاء الله تخلصين هم انتي من الاسئلة مثلي ....


روجيناا .. ولا يهمج ابو لارا موجود ما دام كالج انا راح اساعدج خلاص .. هاي هية .. لا تخافين ... ابو لارا موجود في كل مكان


حبيبي ابو لارا اشكرك عزيزي ... وتدللل

سلامي للجميع .... ويوم النسمع روجينا كاعدة على كرسي الاعتراف.. سلامييي
الرجوع الى أعلى الصفحة اذهب الى الأسفل
ثامر يلدا التلاني
عضو كلش مبدع
عضو كلش مبدع
avatar

عدد الرسائل : 1010
العمر : 47
الموقع : canada
السٌّمعَة : 14
نقاط : 985
تاريخ التسجيل : 23/10/2008

مُساهمةموضوع: رد: ترشيح عضو تحت الاضواء ارجو المشاركة   الثلاثاء يونيو 16, 2009 8:55 am

عزيز سركون اني بس انتظر شوية عليا لأنه تأتصل بشيخان حاليا لأكثر من شخص

اعرفهم وهم قريبين منك لاخذ معلومات عنك وبعدين راح اسألك اوكي...

بس عزيز سركون أسالتي راح تكون جدا محرجة ومخجلة تتقبل ذالك أم لا اريد جواب منك .



الرجوع الى أعلى الصفحة اذهب الى الأسفل
sargon
عضو كلش مبدع
عضو كلش مبدع
avatar

عدد الرسائل : 1741
العمر : 31
السٌّمعَة : 0
نقاط : 1971
تاريخ التسجيل : 01/12/2008

مُساهمةموضوع: رد: ترشيح عضو تحت الاضواء ارجو المشاركة   الخميس يونيو 18, 2009 4:20 pm

حبيبي تدللل .. واني جاهز.......

واعتقد الكل الموجودين ... بمنتدى تلالا عرفوا سركون ... ومن خلالا اجاباتي .. اني قد جاوبت على الاسئلة .. بكل صراحة ..


واني .. حاضررر .. بس اريد اكلك شغلة حبيبي ثامر .. من تتصل على اصدقائك الموجودين بشيخان .. اريد تنطيني اسمائهم ... زين لان . انت جاي تكول اسئلة محرجة . وانا راح اجاوبك . عادي بس تعرف ليش . لان يمكن هذولا ما يعرفون عني شي ..


ومثل ما جنت انت مسويها ومخلي رقم تلفونك وايمل مالتك . انا راح اكولك انطيني اسمائهم . وبالمنتدى .. واانا راح اجاوبك بكل صراحة . حبيبي وتدلل

يا احلى ثامر ..

وانا راح اجاوبك ...... بس لاتنسى تنطيني اسماء الي انت اتصلت بيهم اوكي..
سلاميي للجميع
الرجوع الى أعلى الصفحة اذهب الى الأسفل
 
ترشيح عضو تحت الاضواء ارجو المشاركة
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
tella4u :: شباب تيلا :: عضو تحت الاضواء-
انتقل الى: